طبق اليووووم
كيكة بصوص الكراميل والتفاح
كيكة بصوص الكراميل والتفاح
أعدّها لكم: أميرة هيبة
النهارده هنعمل لكم كيكة بصوص الكراميل والتفاح؛ يا ريت تجرّبيها وتبعتي لنا رأيك فيها
...
كيكة التفاح
المقادير:
النهارده هنعمل لكم كيكة بصوص الكراميل والتفاح؛ يا ريت تجرّبيها وتبعتي لنا رأيك فيها
كيكة التفاح
المقادير:
- ½ كوب لبن
- 3 بياض بيضة
- 2 صفار بيضة
- 2/ 3 كوب سكر
- 1 1/ 3 كوب دقيق
- 3 ملعقة كبيرة زبدة
- ¼ ملعقة صغيرة ملح
- ½ ملعقة صغيرة فانيليا
- 1 ½ ملعقة صغيرة بيكينج باودر
مقادير صوص الكراميل:
- كوب سكر
- ¼ كوب ماء
- 3 ثمرة تفاح (للتزيين)
- ¼ كوب عين جمل مجروش (للتزيين)
الطريقة:
1- قشّري التفاح وقطّعيه شرائح نصف دائرية رفيعة.
2- لتحضير صوص الكراميل؛ ذوّبي السكر في الماء، وحطّيه على نار متوسطة وسيبيه من غير تقليب لغاية ما الخليط يغلي ويبقى لونه دهبي فاتح، ويبقى له قوام الكراميل، وبعد كده ارفعيه من على النار، وصبّيه في صينية متوسطة مدهونة بكمية صغيرة من الزبدة.
3- رصّي شرائح التفاح على الكراميل الدافي بسرعة وبشكل دائري، وخدي بالك إن الكراميل بيتجمّد بسرعة، وبعد كده رشّي عليها عين الجمل.
4- لتحضير الكيكة؛ اخلطي الدقيق والبيكينج باودر والملح، وسيبيهم على جنب، وبعد كده اضربي السكر مع الزبدة في طبق تاتني بالمضرب الكهربائي.
5- ضيفي صفار البيض والفانيليا على خليط السكر والزبدة، واستمري في الخفق، وبعدين ضيفي عليهم خليط الدقيق وكمية اللبن اللي عندك بالتبادل مع بعض مع مراعاة إنك تبدئي وتنتهي بالدقيق.
6- بعد كده اضربي بياض البيض لوحده بالمضرب الكهربائي لحد ما يعمل رغوة متماسكة، وأهم حاجة إنك تغسلي المضرب وتنشّفيه كويس جدا قبل ما تستخدميه.
7- ضيفي بياض البيض على الخليط السابق، وقلّبيهم كويس جدا، وبعد كده صبّي خليط الكيك على الصينية اللي فيها التفاح والكراميل.
8- دخّلي الصينية في فرن ساخن على درجة حرارة 175، وسيبيها لمدة 35 دقيقة، وبعد كده اعملي اختبار السكينة؛ بإنك تجيبي سكينة وتغرسيها في منتصف الكيكة، ولو السكينة خرجت نظيفة يبقى الكيكة استوت وتقدري تطلعيها من الفرن.
9- بعد كده سيبيها تهدى شوية، واقلبي الكيكة على صينية مسطحة وقدّميها دافية.. وبألف هنا وشفا.
وبكده تكون خلصت وصفتنا النهارده..
جربوها وابعتوا قولوا لنا رأيكم فيها..
واستنونا بكره مع وصفة جديدة..
سلااااااام،،،
0 comments:
Post a Comment